- આ સ્ટુડીયો અદ્યતન સેમસંગ ઉપકરણો વચ્ચે સરળ ઇન્ટરપોર્ટેબિલીટીનું પ્રદર્શન કરે છે જેથી B2B ભાગીદારોને વ્યાપક ઇન્ટીગ્રેટેડ ઇન્ટરપોર્ટેબિલીટી પ્રદાન કરી શકાય
- 6,500-ચોરસ ફૂટમાં પથરાયેલા આ શોરુમની ડિઝાઇન વ્યાપારી પરિસ્થિતિઓની વ્યાપક શ્રેણીમાં ઉદ્યોગોને શોધખોળ, આયોજન અને સંશોધનને મદદ કરવા માટે તૈયાર કરવામાં આવી છે.
- ગુરુગ્રામમાં કંપનીના વિશાળ એક્ઝિક્યુટિવ બ્રીફિંગ સેન્ટર (EBC) પછી, મુંબઈનો સેમસંગ બિઝનેસ એક્સપિરિયન્સ સ્ટુડિયો આ પ્રકારનું બીજુ સેન્ટર છે.
ગુરુગ્રામ, ભારત | ૧૬ જુલાઈ ૨૦૨૫ – ભારતની સૌથી મોટી કન્ઝ્યુમર ઇલેક્ટ્રોનીક્સ બ્રાન્ડ સેમસંગએ પૂર્વ મુંબઇમાં ગોરેગામમાં ઇન્ટરનેશનલ બિઝનેસ પાર્કના ઓબેરોય કોમર્ઝ-IIના 28મા માળે અદ્યતન બિઝનેસ એક્સપિરીયન્સ સ્ટુડીયો (BES)નું અનાવરણ કર્યુ છે.
આ ભવિષ્ય પર કેન્દ્રિત સ્પેસ અદ્યતન સેમસંગના ઉપકરણની વચ્ચે ઇન્ટરપોર્ટેબિલીટીનું પ્રદર્શન કરે છે, જેથી B2B ભાગીદારોને બહોળા પ્રમાણમાં ઇન્ટીગ્રેટેડ બિઝનેસ સોલ્યુશન્સ પ્રદાન કરી શકાય. 6,500-ચોરસ ફૂટમાં પથરાયેલા આ શોરુમની ડિઝાઇન વ્યાપારી પરિસ્થિતિઓની વ્યાપક શ્રેણીમાં ઉદ્યોગોને શોધખોળ, આયોજન અને સંશોધનને મદદ કરવા માટે તૈયાર કરવામાં આવી છે. BES, મુંબઈ ગુરુગ્રામમાં સેમસંગના વિશાળ એક્ઝિક્યુટિવ બ્રીફિંગ સેન્ટર (EBC) સાથે જોડાય છે, જે કંપનીના નવીન ઉત્પાદનો અને B2B સોલ્યુશન્સનું પ્રદર્શન કરે છે.
“સેમસંગ ખાતે, અમે માનીએ છીએ કે વ્યવસાયનું ભવિષ્ય માનવ-કેન્દ્રિત, જોડાયેલ અને ટકાઉ બુદ્ધિશાળી અનુભવોમાં રહેલું છે. મુંબઈમાં બિઝનેસ એક્સપિરિયન્સ સ્ટુડિયો આ દ્રષ્ટિકોણને પ્રતિબિંબિત કરે છે. આ એક એવી જગ્યા છે જ્યાં સાહસો વાસ્તવિક દુનિયાના વાતાવરણમાં અમારા સૌથી અદ્યતન AI-સંચાલિત નવીનતાઓ સાથે જોડાઈ શકે છે. સ્માર્ટ ક્લાસરૂમથી લઈને ઓટોમેટેડ હોટલ, બુદ્ધિશાળી આરોગ્યસંભાળ સાધનોથી લઈને પેપરલેસ બેંકિંગ સુધી, અમે ડિજિટલ પરિવર્તનને સક્ષમ કરી રહ્યા છીએ જે અર્થપૂર્ણ, કાર્યક્ષમ અને સ્કેલ માટે બનાવવામાં આવ્યું છે. આ સ્ટુડિયો ફક્ત ટેકનોલોજીનું પ્રદર્શન નથી પરંતુ ભારત અને વિશ્વભરમાં અમારા ભાગીદારો સાથે એન્ટરપ્રાઇઝના ભવિષ્યના નિર્માણ માટેની અમારી પ્રતિબદ્ધતાનો પુરાવો પણ છે,” એમ સેમસંગ સાઉથવેસ્ટ એશિયાના પ્રેસિડન્ટ અને સીઈઓ જેબી પાર્કએ જણાવ્યું હતું.
BES, મુંબઈના લોન્ચ પર ટિપ્પણી કરતા, મહારાષ્ટ્ર સરકારના માહિતી ટેકનોલોજી અને સાંસ્કૃતિક બાબતોના માનનીય મંત્રી શ્રી આશિષ શેલારે જણાવ્યું હતું કે, “જેમ જેમ આપણે ડિજિટલ ઈન્ડિયા મિશનને વેગ આપી રહ્યા છીએ, AI અને VR જેવી ઉભરતી ટેકનોલોજી ઉદ્યોગોના કાર્ય કરવાની રીત, સંસ્થાઓ સેવાઓ પ્રદાન કરવાની રીત અને નાગરિકોને વિશ્વનો અનુભવ કરાવવાની રીતને ફરીથી આકાર આપી રહી છે. નવીનતા, સહયોગ અને ભવિષ્ય માટે તૈયાર ઇકોસિસ્ટમ ચલાવતી વખતે, મુંબઈ આ પરિવર્તનમાં મોખરે છે. સેમસંગનો બિઝનેસ એક્સપિરિયન્સ સ્ટુડિયો આ સફરમાં એક શક્તિશાળી ઉમેરો છે, જે વૈશ્વિક ટેકનોલોજીકલ નેતૃત્વને અમારા વ્યવસાયોની નજીક લાવે છે અને ડિજિટલ નવીનતા માટે અગ્રણી હબ તરીકે મહારાષ્ટ્રની સ્થિતિને મજબૂત બનાવે છે.”
BES, મુંબઈ સ્ટાર્ટઅપ્સ, શાળાઓ, હોટલ, હોસ્પિટલો અને બેંકો સહિતના ક્ષેત્રોમાં ગ્રાહકોને વાસ્તવિક દુનિયાના દૃશ્યો પ્રદર્શિત કરતા ઝોન દ્વારા ક્યુરેટેડ વોકથ્રુ અનુભવ પ્રદાન કરે છે, જે તેમને બદલાતા વ્યવસાયિક વાતાવરણમાં ડિજિટલ પરિવર્તન લાવવા માટે સક્ષમ બનાવે છે.
ઉદાહરણ તરીકે, ઝોન 1માં, મુલાકાતીઓ શિક્ષણ, છૂટક અને નાણાં અને આરોગ્યસંભાળ જેવા ઉદ્યોગ વર્ટિકલ્સ માટે તૈયાર કરાયેલ બુદ્ધિશાળી ઉકેલોમાં ડૂબેલા જોવા મળશે. સ્માર્ટ ક્લાસરૂમ અને કેમ્પસ સોલ્યુશન્સમાં સેમસંગના આગામી પેઢીના ઇન્ટરેક્ટિવ ડિસ્પ્લે, ટેબ્લેટ અને ડિજિટલ નોટિસ બોર્ડ છે – જે બધા સિંકમાં કાર્યરત છે – જ્યારે ડિજિટલ જાહેરાત સોલ્યુશન્સ, સોફ્ટ POS સિસ્ટમ્સ, ઇન્ટેલિજન્ટ એર ક્વોલિટી મેનેજમેન્ટ સિસ્ટમ્સ અને રિટેલ અને ફાઇનાન્સ અને હેલ્થકેર વિભાગોમાં અદ્યતન ડાયગ્નોસ્ટિક ઇક્વિપમેન્ટ પાવર સોલ્યુશન્સમાં નવીનતાઓ છે.
યુનિફાઇડ સોલ્યુશન્સ એ ઝોન 2ની થીમ છે, જ્યાં સેમસંગ સ્માર્ટ થિંગ્સ પ્રો કનેક્ટેડ AI-સંચાલિત સિસ્ટમ્સ સાથે મીટિંગ રૂમ અને હોટેલ રૂમના ભવિષ્યનું પ્રદર્શન કરે છે, જ્યારે સેમસંગનું ક્રાંતિકારી ડિસ્પ્લે, ધ વોલ ઓટોમોટિવ, સરકાર, હોસ્પિટાલિટી અને કોર્પોરેટમાં અસંખ્ય દૃશ્યો માટે સ્ક્રીનીંગ સોલ્યુશન્સ બનાવે છે.
તેવી જ રીતે, BES, મુંબઈના ઝોન 3 માં, ગ્રાહકો સેમસંગ ઉત્પાદનો, જેમાં માઇક્રોવેવ, સાઇડ-બાય-સાઇડ રેફ્રિજરેટર્સ, ટીવી, એસી, ફ્રન્ટ લોડ વોશિંગ મશીનો, કો-લિવિંગ અને સ્ટાર્ટઅપ્સના ક્ષેત્રમાં કાર્યરત વ્યવસાયોની જરૂરિયાતોને સંબોધતા ઉકેલો શોધી શકશે, સાથે સાથે કોમર્શિયલ જગ્યાઓ માટે સિસ્ટમ એસીનું પ્રદર્શન પણ કરશે. અને સ્માર્ટ હોમ સોલ્યુશન્સ શોધી રહેલા ગ્રાહકો માટે, ઝોન 4 કનેક્ટેડ બેડરૂમ, રસોડા અને લિવિંગ રૂમનું અનુકરણ કરતા દૃશ્યોના પ્રદર્શનથી પ્રભાવિત કરે છે, જ્યારે નવીનતમ નવીનતાઓ દર્શાવતા ઇમર્સિવ ગેમિંગ અને હોમ સિનેમા ઝોન સૌથી વધુ માંગણી કરતા ટેક ઉત્સાહીઓને આશ્ચર્યચકિત કરવામાં નિષ્ફળ જતા નથી.
ખુલુ રહેવાનો સમય: સવારે 9:00 થી સાંજે 6:00 (સોમવારથી શુક્રવાર)
Samsung Newsroom IndiaAI Meets Innovation: Samsung Launches its Future-Forward Business Experience Studio in Mumbai
