ત્રણ દિવસીય આ કાર્યક્રમમાં ફાર્માસ્યુટિકલ મેન્યુફેક્ચરિંગ, લેબોરેટરી ટેક્નોલોજી અને કોન્ટ્રાક્ટ મેન્યુફેક્ચરિંગ ક્ષેત્રની નવીનતમ ટેક્નોલોજી અને નવીનતાઓનું પ્રદર્શન કરવામાં આવશે.
અમદાવાદ, ગુજરાત | ૧૮મી ઓગસ્ટ ૨૦૨૬ | ફાર્માટેક એક્સ્પો અને લેબટેક એક્સ્પોની 23મી આવૃત્તિનું આયોજન 20થી 22 ઓગસ્ટ દરમિયાન ગાંધીનગરના હેલિપેડ એક્ઝિબિશન ગ્રાઉન્ડ ખાતે કરવામાં આવશે. આ એક્સ્પોમાં 450થી વધુ પ્રદર્શકો ભાગ લેશે અને ફાર્માસ્યુટિકલ મેન્યુફેક્ચરિંગ ક્ષેત્રના સમગ્ર ઇકોસિસ્ટમમાંથી 25,000થી વધુ મુલાકાતીઓ આવવાની અપેક્ષા છે.
ફાર્માટેકનોલોજીઇન્ડેક્સ.કોમ પ્રાઇવેટ લિમિટેડ દ્વારા ડ્રગ માર્કેટિંગ એન્ડ મેન્યુફેક્ચરિંગ એસોસિએશન (DMMA)ના સહયોગથી આયોજિત આ ત્રણ દિવસીય પ્રદર્શન 30,000 ચોરસ મીટરથી વધુ વિસ્તારમાં યોજાશે. તેમાં ફાર્માસ્યુટિકલ મશીનરી, લેબોરેટરી સાધનો, એનાલિટિકલ ઇન્સ્ટ્રુમેન્ટ્સ, પેકેજિંગ ટેક્નોલોજી અને મેન્યુફેક્ચરિંગ સોલ્યુશન્સના ક્ષેત્રમાં થયેલા નવીનતમ વિકાસને પ્રદર્શિત કરવામાં આવશે.
આ પ્રદર્શનની સાથે જ કોન્ટ્રાક્ટ મેન્યુફેક્ચરિંગ એક્સ્પો અને રો એન્ડ પેકેજિંગ મટિરિયલ એક્સ્પોનું પણ આયોજન કરવામાં આવશે. આ બંને એક્સ્પો ફાર્માસ્યુટિકલ મેન્યુફેક્ચરિંગની સમગ્ર વેલ્યુ ચેઇનને સમજવા અને અન્વેષણ કરવા માટે એક વ્યાપક પ્લેટફોર્મ પૂરું પાડશે, જેમાં કાચા માલ અને કોન્ટ્રાક્ટ મેન્યુફેક્ચરિંગથી લઈને લેબોરેટરી સાધનો અને પેકેજિંગ સોલ્યુશન્સ સુધીના વિવિધ પાસાઓનો સમાવેશ થશે.
આ પ્રદર્શનમાં ભારત તેમજ વિદેશમાંથી મેન્યુફેક્ચરર્સ, નિકાસકારો, ટેક્નોલોજી પ્રોવાઇડર્સ, ફાર્માસ્યુટિકલ કંપનીઓ અને ઉદ્યોગ સાથે સંકળાયેલા વિવિધ હિતધારકો મોટી સંખ્યામાં ઉપસ્થિત રહેવાની અપેક્ષા છે.
ફાર્માટેકનોલોજીઇન્ડેક્સ.કોમ પ્રાઇવેટ લિમિટેડ ના CEO આર્જવ શાહે જણાવ્યું હતું કે, “ટેક્નોલોજીકલ નવીનતા, બદલાતી નિયમનકારી અપેક્ષાઓ અને વૈશ્વિક સ્તરે વધી રહેલી માંગને કારણે ફાર્માસ્યુટિકલ ઉદ્યોગ સતત ઝડપી ગતિએ વિકાસ પામી રહ્યો છે. ફાર્માટેક એક્સ્પો અને લેબટેક એક્સ્પો એવા પ્લેટફોર્મ તરીકે કાર્ય કરે છે, જ્યાં મેન્યુફેક્ચરર્સ, ટેક્નોલોજી પ્રોવાઇડર્સ અને ઉદ્યોગના અગ્રણીઓ એકસાથે આવી વિચારોનું આદાન-પ્રદાન કરે છે, નવા સોલ્યુશન્સ શોધે છે અને લાંબા ગાળાની ભાગીદારીનું નિર્માણ કરે છે. આગામી એક્સ્પો નેટવર્કિંગ, જ્ઞાનના આદાન-પ્રદાન અને વિકાસ માટે મૂલ્યવાન તકો પૂરી પાડશે.”
એક્ઝિબિશનની સાથે ઉદ્યોગલક્ષી સેમિનારોનું પણ આયોજન કરવામાં આવશે, જેમાં ફાર્માસ્યુટિકલ ક્ષેત્ર સામેના મુખ્ય પડકારો અને ઉભરતી તકો અંગે ચર્ચા કરવામાં આવશે. 20 ઓગસ્ટે નિષ્ણાતો નોટ-ઓફ-સ્ટાન્ડર્ડ ક્વોલિટી (NSQ) દવાઓના પ્રવાહને નિયંત્રિત કરવા માટેની વ્યૂહરચનાઓ અંગે ચર્ચા કરશે. જ્યારે “મેરા IPO કબ આયેગા?” શીર્ષક હેઠળના અન્ય સત્રમાં ફાર્માસ્યુટિકલ કંપનીઓમાં મૂડીબજારમાં પ્રવેશ મેળવવા માટે વધી રહેલા રસ અંગે ચર્ચા કરવામાં આવશે.
21 ઓગસ્ટે ભારતમાં EU ચેમ્બર્સ ઓફ કોમર્સ કાઉન્સિલના સહયોગથી આયોજિત સેમિનારમાં “ફાર્માસ્યુટિકલ મેન્યુફેક્ચરિંગ અને ઇનોવેશનમાં EU-ભારત ભાગીદારીને આગળ ધપાવવા” વિષય પર ચર્ચા કરવામાં આવશે. આ સેમિનારમાં ટેક્નોલોજી, મેન્યુફેક્ચરિંગ, નિયમનકારી પ્રક્રિયાઓ અને આંતરરાષ્ટ્રીય વેપાર ક્ષેત્રે સહયોગની તકો પર વિશેષ પ્રકાશ પાડવામાં આવશે.
હવે 23મી આવૃત્તિમાં પ્રવેશી ચૂકેલું ફાર્માટેક એક્સ્પો અને લેબટેક એક્સ્પો ભારતના અગ્રણી ફાર્માસ્યુટિકલ મેન્યુફેક્ચરિંગ પ્રદર્શનોમાંના એક તરીકે પોતાની આગવી ઓળખ સ્થાપિત કરી ચૂક્યું છે. આ એક્સ્પો કંપનીઓને પોતાની નવીનતાઓ રજૂ કરવા, નવી વ્યાવસાયિક તકો શોધવા તથા ફાર્માસ્યુટિકલ મેન્યુફેક્ચરિંગના ભવિષ્યને આકાર આપતા ટેક્નોલોજી અને નિયમનકારી ક્ષેત્રના વિકાસથી અવગત રહેવા માટે એક મહત્વપૂર્ણ પ્લેટફોર્મ પૂરું પાડે છે.
== સમાપ્ત ==
