પૂણે | ૩૧ જુલાઈ ૨૦૨૫: મોશન ટેકનોલોજી કંપની શેફલર ઇન્ડિયાએ પોતાના સોશિયલ ઇનોવેટર ફેલોશિપ પ્રોગ્રામને લોન્ચ કર્યો હોવાની ઘોષણા કરી છે. લાંબા ગાળાના આ પહેલનો હેતુ ભારતના તેજસ્વી યુવા ઇનોવેટર્સને સશક્ત બનાવવાનો, સ્કેલેબલ અને ટકાઉ ઉકેલનો છે, જે શેફલર ઇન્ડિયાના ફ્લેગશિપ કોર્પોરેટ સોશિયલ રિસ્પોન્સિબિટી (CSR) પહેલ HOPEના ભાગરૂપે મહત્ત્વની પર્યાવરણીય અને સામાજિક પડકારો પર ધ્યાન કેન્દ્રિત કરે છે, તેમજ તે તેની આરોગ્યસંભાળ, વ્યાવસાયિક કૌશલ્ય વિકાસ, વારસો અને પર્યાવરણની સાચવણી અને સમાજના સશક્તિકરણ પરત્વેની તેની પ્રતિબદ્ધતાને વધુ મજબૂત બનાવે છે.
આ પ્રતિષ્ઠિત ફેલોશિપના ભાગરૂપે, 18થી 35 વર્ષની વયના 10 ઇનોવેટર્સ એવા પ્રત્યેકને રૂ. 1.75 લાખની સહાય પ્રાપ્ત થશે અને આ આઇડીયાઝને વેગ આપવા માટે ડિઝિન કરાયેલ વિખ્યાત IIMA વેન્ચર્સ ખાતે 24 સપ્તાહના હાઇબ્રિડ મેન્ટોરશિપ પ્રોગ્રામમાં ઍક્સેસ પણ પ્રાપ્ત કરશે. આ પ્રોગ્રામ તેમના ઉકેલોને ઉપર લઇ જવા માટે અને તેમની અસરને વિસ્તૃત બનાવવા માટે ટૂલ્સ, માર્ગદર્શન અને સ્ત્રોતો પૂરા પાડશે. ભંડોળ પૂરું પાડવા અને મેન્ટોરશિપ ઉપરાંત, પસંદ થયેલા અરજદારોને શેફલર ઇન્ડિયાની ગતિશીલ અને ડાયનેમિક ઇનોવેશન કોમ્યુનિટમાં પણ પ્રવેશ અપાશે, જેથી શેફલરના નેટવર્ક અને ઇકોસિસ્ટમ પાર્ટનર્સ મારફતે સહયો અને વૃદ્ધિ સાધી શકાય.
આ પ્રોગ્રામ ભારતભરમાંથી એવી વ્યક્તિઓ, જૂથો, સંસ્થાઓ અને નફાકારક અને બિન-નફાકારક સંસ્થાઓ પાસેથી અરજીઓ આમંત્રિત કરે છે જેઓ પર્યાવરણીય ટકાઉપણું, નવીનીકરણીય ઉર્જા, કાર્બન ન્યુટ્રાલિટી, સર્ક્યુલર અર્થતંત્ર, કુદરતી સંસાધન વ્યવસ્થાપન અને સામાજિક ક્ષેત્રમાં ટેકનોલોજીના ઉપયોગના મુખ્ય પડકારોનો સામનો કરી રહ્યા છે. અરજદારોએ કાર્યકારી નમૂનો, સ્પષ્ટ લક્ષ્ય બજાર અથવા પ્રેક્ષકો અને માપનીયતા, ટકાઉપણું અને વ્યાપારી સધ્ધરતા માટેની યોજના દર્શાવવી આવશ્યક છે.
વ્યક્તિઓ અથવા જૂથો સહિત પાત્ર સહભાગીઓ સખત સ્ક્રીનીંગ પ્રક્રિયામાંથી પસાર થશે. શેફલર ઇન્ડિયા નેતૃત્વ અને ઇન્ડિયા એક્સિલરેટર નિષ્ણાતોનો સમાવેશ કરતી એક પ્રતિષ્ઠિત જ્યુરી પેનલ, ટેલિફોનિક અને વર્ચ્યુઅલ ઇન્ટરવ્યુ તેમજ અંતિમ પિચ પ્રેઝન્ટેશન સહિત અનેક-તબક્કાની પસંદગી પ્રક્રિયા દ્વારા અરજીઓનું મૂલ્યાંકન કરશે.
આ કાર્યક્રમ વિશે બોલતા, શેફલર ઇન્ડિયાના મેનેજિંગ ડિરેક્ટર અને સીઇઓ શ્રી હર્ષા કદમે જણાવ્યું હતું કે “શેફલર ઇન્ડિયા ખાતે, અમે ખરેખર નવીનતા અને વિકાસમાં વિશ્વાસ રાખીએ છીએ, અને અમે સમાવિષ્ટ અને ટકાઉ કાર્યક્રમોમાં રોકાણ કરી રહ્યા છીએ. HOPE જેવી માળખાગત પહેલ દ્વારા, અમે એવા સ્વપ્નદ્રષ્ટા યુવા નવીનતાઓને સશક્ત બનાવવા અને ઉછેરવાનો ઉદ્દેશ્ય રાખીએ છીએ, જેમાં એક અગ્રણી ભાવના હોય, જે સામાજિક ક્ષેત્રો અને પર્યાવરણીય મુદ્દાઓ માટે ટેકનોલોજી-આધારિત ઉકેલો વિકસાવી રહ્યા છે, તેમના અનન્ય અભિગમો દ્વારા અર્થપૂર્ણ તફાવત લાવી રહ્યા છે. શેફલર આ મુદ્દાઓને ઉકેલવામાં સક્ષમકર્તા અને ઉત્પ્રેરક બંને બનવાનો ઉદ્દેશ્ય ધરાવે છે, જે સમાન પ્રગતિ માટે એક બળ તરીકે નવીનતામાં તેની માન્યતાને પુષ્ટિ આપે છે”.
શેફલર ઇન્ડિયાના HR અને CSR વડા શ્રીમતી શિબી મેથ્યુએ ઉમેર્યું હતુ કે “અમે અમારા સમુદાયોની અર્થપૂર્ણ પ્રગતિને આગળ વધારવા માટે ખૂબ જ પ્રતિબદ્ધ છીએ. અમે 2025 માટે શેફલર ઇન્ડિયા સોશિયલ ઇનોવેટર ફેલોશિપ પ્રોગ્રામ શરૂ કરવાની ગર્વપૂર્વક જાહેરાત કરીએ છીએ, જેનો મુખ્ય ઉદ્દેશ્ય સમગ્ર ભારતમાં યુવાન અને ઉત્સાહી ઇનોવેટર્સની અગ્રણી ભાવનાનો ઉપયોગ અને સમર્થન કરવાનો છે. આ પ્રોગ્રામ પ્રતિભાશાળી વ્યક્તિઓને તેમના નવીન ઉકેલો દ્વારા સામાજિક અને પર્યાવરણીય મુદ્દાઓમાં સુધારા લાવવા માટે એક નોંધપાત્ર તક આપે છે. અમે ઉત્કૃષ્ટ નેતાઓની ભાગીદારીની આતુરતાથી રાહ જોઈ રહ્યા છીએ જેઓ પરિવર્તનકારી ઉકેલો વિકસાવવા માટે મજબૂત પ્રતિબદ્ધતા દર્શાવશે, જેના પરિણામે વધુ સ્થિતિસ્થાપક સિસ્ટમો, સશક્ત સમુદાયો અને સકારાત્મક રીતે પ્રભાવિત જીવન બનશે.”
તેની CSR પહેલ, HOPE દ્વારા, કંપની સમુદાયોને સશક્ત બનાવવા માટે સતત નવા રસ્તાઓ શોધે છે. આ પહેલ દ્વારા, શેફલર ઇન્ડિયાનો ઉદ્દેશ્ય સમાજમાં સકારાત્મક પરિવર્તન લાવનારા આ પરિવર્તનકારોની ક્ષમતાઓને ઓળખવાનો અને વધારવાનો છે.
અરજી પ્રક્રિયા:
લાયક ઉમેદવારો 30 જુલાઈ, 2025થી 30 ઓગસ્ટ, 2025ની વચ્ચે આ પગલાંને અનુસરીને અરજી કરી શકે છે:
- પ્રોગ્રામ વેબસાઇટ પર ‘હમણાં અરજી કરો’ પર ક્લિક કરો.
- Buddy4Study.https://www.buddy4study.com/page/schaeffler-india-social-innovator-fellowship-program-2025 પર લોગીન કે રજિસ્ટર કરો
- અરજી ફોર્મ ભરો અને જરૂરી દસ્તાવેજો અપલોડ કરો: પ્રોજેક્ટ વિડીયો, આઈડિયા પિચ ડેક (વૈકલ્પિક), આધાર કાર્ડ અને પાસપોર્ટ-કદનો ફોટોગ્રાફ.
- નિયમો અને શરતો સ્વીકારો, પૂર્વાલોકન કરો અને અરજી કરો.
