અમદાવાદ 8 જૂન 2025: અલ્ટિમેટ ટેબલ ટેનિસની સિઝન-6માં રવિવારની બીજી મેચમાં એ ટેબલ ટોપર દબંગ દિલ્હી ટીટીસી એ પીબીજી પુણે જગુઆર્સ વિરુદ્ધ 11-4ના અંતરથી જીત મેળવી પોતાના વિજયી અભિયાનને આગળ ધપાવ્યું હતું. સિઝનના અંતિમ ડબલ હેડરમાં દબંગ દિલ્હી માટે ઈઝાક ક્વેક એ શાનદાર શરૂઆત કરતા અલવારો રોબલ્સ વિરુદ્ધ 2 ગેમ જીતી, જોકે- અંતિમ ગેમમાં સ્પેનિશ ખેલાડીએ બાજી મારી. તે પછી મારિયા ઝિયાઓ એ તનિષા કોટેચા વિરુદ્ધ 2-1થી જીત હાંસલ કરી હતી, યુટીટી ડેબ્યૂ પર શાનદાર પ્રદર્શન છતાં યુવા ખેલાડી જીતી શકી નહોતી.
સાથિયાન અને ઝિયાઓ એ મિક્સ્ડ ડબલ્સમાં તેમના અજેય અભિયાનને આગળ ધપાવતા રોબલ્સ અને રીથ રિશિયાની જોડી સામે 2-1થી જીત મેળવી દિલ્હીને સંપૂર્ણ નિયંત્રણ આપ્યું હતું. સાથિયાને શાનદાર લય જાળવતા અનિર્બાન ઘોષને 2-1થી હરાવી ટીમને જીત અપાવી હતી. દિયા ચિતાલે એ દક્ષિણ કોરિયાની ઝિયોન લીને 3-0થી હરાવી ઈન્ડિયન પ્લેયર ઓફ ધ ટાઈનો એવોર્ડ જીત્યો હતો. ઝિયાઓ એ શ્રેષ્ઠ વિદેશી ખેલાડીનો અને અનિર્બાન એ શોટ ઓફ ધ ટાઈનો એવોર્ડ જીત્યો હતો.
