વન ટાઈમ UPI સર્કલ સેટઅપ સાથે, પરિવારનો કોઈપણ સભ્ય અથવા વિશ્વસનીય વ્યક્તિ હવે અલગ બેંક ખાતાની જરૂર વગર ગમે ત્યાં UPI વડે ચુકવણી કરી શકે છે.
મુંબઈ | 08 ઓક્ટોબર 2025: એમેઝોન પેએ આજે ગ્લોબલ ફિનટેક ફેસ્ટિવલ 2025 ખાતે પરિવારના કોઈપણ સભ્યને તાત્કાલિક UPI ચુકવણીઓ કરવા સક્ષમ કરવા માટે UPI સર્કલ, બાયોમેટ્રિક પ્રમાણીકરણ અને વિશ્વસનીય સ્માર્ટ ઉપકરણો પર UPI ચુકવણીઓના વિસ્તરણ જેવી અનેક નવીનતાઓની જાહેરાત કરી.
UPI સર્કલ વડે હવે પ્રાથમિક UPI એકાઉન્ટ ધારકોને સુરક્ષિત રીતે પરંતુ ખર્ચની પહેલેથી સેટ મર્યાદા સાથે પરિવારના સભ્યો અને વિશ્વસનીય વ્યક્તિઓને UPI સાથે તાત્કાલિક ચૂકવણી કરવા માટે ઉમેરી શકે છે. ઉમેરાયેલા દરેક સભ્ય પાસે તેમનો પોતાનો UPI ID અથવા QR કોડ હશે, પરંતુ તેમને બેંક ખાતાનો ઉપયોગ કરવાની જરૂર નથી અને તેના બદલે તેઓ પ્રાથમિક ખાતા ધારકો દ્વારા મંજૂર કરાયેલ નિશ્ચિત રકમની ઍક્સેસ મેળવી શકે છે. બધી ચુકવણીઓ PIN લેસ છે અને સુરક્ષા માટે વધારાના બાયોમેટ્રિક પ્રમાણીકરણ સાથે સક્ષમ છે. પ્રાથમિક વપરાશકર્તા ચુકવણીની વિનંતીઓની સમીક્ષા કરવા, ખર્ચની મર્યાદા સેટ કરવા, ખર્ચ ટ્રેક કરવા અને ચુકવણીના વિગતવાર રેકોર્ડ્સ જોવા સહીત ઉપયોગ પર સંપૂર્ણ નિયંત્રણ જાળવી રાખે છે.
વધુમાં, NPCI સાથે યોજનાબદ્ધ ભાગીદારીમાં, એમેઝોન પે ફક્ત સ્માર્ટફોન જ નહીં, વિશ્વસનીય સ્માર્ટ ઉપકરણો સુધી ચુકવણીની સુવિધાનું વિસ્તરણ કરી રહ્યું છે. આ પહેલથી અદ્યતન બાયોમેટ્રિક પ્રમાણીકરણ, ડિવાઇસ-લેવલ એન્ક્રિપ્શન અને રીઅલ-ટાઇમ ફ્રોડ ડિટેક્શન જેવી સુવિધાઓ ધરાવતી સ્માર્ટવોચ અને અન્ય વેરેબલ્સ વડે હવે સુરક્ષિત રીતે ચુકવણી કરી શકાય છે. વપરાશકર્તાઓ ટૂંક સમયમાં કવિક ટેપ-એન્ડ-ગો ચુકવણીઓ કરશે, વ્યવહારની સૂચનાઓ તરત જ પ્રાપ્ત કરશે અને બહુવિધ કનેક્ટેડ ઉપકરણો પર પરિવાર દ્વારા કરવામાં આવેલી ચુકવણીઓનું સંચાલન કરશે – આ બધું બેંકના સ્તરની સુરક્ષા સાથે.
એમેઝોન પે ઇન્ડિયાના પેમેન્ટ્સ અને મર્ચન્ટ સેવાઓના ડિરેક્ટર ગિરીશ કૃષ્ણને જણાવ્યું હતું કે, “UPI સર્કલ સમાવિષ્ટ ડિજિટલ ચુકવણીઓ તરફ એક પરિવર્તનશીલ પગલું છે. એમેઝોન પે પર, અમે ગ્રાહકોની વાસ્તવિક સમસ્યાઓને મોટા પાયે ઉકેલવા માટે સમર્પિત છીએ, અને આ સુવિધાઓ સમગ્ર પરિવારને UPI સાથે સુરક્ષિત, અનુકૂળ ચુકવણી કરવા સક્ષમ બનાવવાની વધતી જતી જરૂરિયાત પર ધ્યાન કેન્દ્રિત કરે છે. એમેઝોન પે દ્વારા રજૂ કરવામાં આવેલ ચુકવણીઓ માટે વિવિધ પ્રકારના વિશ્વસનીય સ્માર્ટ ઉપકરણોનો ઉપયોગ કરવાની સુવિધા, દરેક વ્યવહાર ડીજીટલી કરવાના અમારા લક્ષ્ય તરફ નોંધપાત્ર છલાંગ દર્શાવે છે, જ્યાં કોઈપણ વિશ્વસનીય ઉપકરણ સુરક્ષિત ચુકવણીનો સાધન બની જાય છે. આ સુવિધા દૈનિક વ્યવહારોને પરિવર્તિત કરવાનું વચન આપે છે, જે તેમને ફક્ત ઝડપી જ નહીં, પરંતુ લાખો ભારતીયો માટે મૂળભૂત રીતે વધુ સુરક્ષિત અને અનુકૂળ બનાવે છે. અને UPI સર્કલ સાથે, અમને વિશ્વાસ છે કે અમે સમગ્ર ભારતીય પરિવારોમાં ડિજિટલ ચુકવણી અપનાવવાની ગતિને વેગ આપવામાં મદદ કરી શકીશું.”
એમેઝોન પે UPI સર્કલ એક વખત મંજૂરી (પૂર્ણ સોંપણી) અને દરેક વખતે મંજૂરી (આંશિક સોંપણી) આધારિત UPI ચુકવણીઓ, બંને સાથે અભૂતપૂર્વ સુગમતા પ્રદાન કરે છે, જે તેને પરિવારની વિવિધ જરૂરિયાતો માટે અનુકૂળ બનાવે છે. આ સોલ્યુશન પૈસા મોકલવા, સ્ટોર્સ પર સ્કેન કરવા અને ચૂકવણી કરવા, ઓનલાઈન વેપારી ચુકવણીઓ અને Amazon.in પર ખરીદી કરવા જેવી ચુકવણીની વિવિધ પરિસ્થિતિઓમાં મદદરૂપ છે. ભવિષ્યના અપગ્રેડમાં બિલ ચુકવણીઓ અને સબ્સ્ક્રિપ્શન્સનો સમાવેશ કરવા માટે કાર્યક્ષમતામાં વધારો થશે. આ સેવા ખાસ ડિજિટલી-સમજદાર અને કૌટુંબિક ચુકવણીઓનું ધ્યાન રાખીને ઘરને ચલાવનાર (30-50 વર્ષની વયના) અને ડિજિટલ યુગમાં જન્મેલા કિશોરો (13-17 વર્ષની વયના) અને વ્યક્તિગત બેંકિંગ ઍક્સેસ વિનાના અન્ય આશ્રિતો માટે શરુ કરવામાં આવી છે.
UPI સર્કલ એમેઝોન પેના રિવોર્ડ્સ ઇકોસિસ્ટમને પણ પરિવારના તમામ સભ્યો સુધી વિસ્તૃત કરે છે. જેમ જેમ સર્કલના સભ્યો એમેઝોન પે સાથે ચુકવણી કરે છે, તેમ તેમ તેમને દરેક વ્યવહાર પર અલગ-અલગ શોપિંગ રિવોર્ડ્સ મળે છે. વ્યવહારોના સંદર્ભમાં માસિક માઈલસ્ટોન્સ પૂર્ણ કરવા પર, એમેઝોન પે ના વપરાશકર્તાઓ શોપિંગ અને ચુકવણીની વિવિધ શ્રેણીઓ પર 5% નિશ્ચિત કેશબેક માટે પાત્ર બની શકે છે અને આમ, પરિવારોને ચૂકવણીઓ કરવાથી પણ ફાયદો થાય છે.
આ નવી સુવિધા, NPCI ના સમગ્ર ભારતમાં ડિજિટલ ચુકવણી અપનાવવાના લક્ષ્ય સમર્થન આપવાના સાથે એમેઝોન પેના ચુકવણીઓને સરળ બનાવવા અને વ્યક્તિગત કરવાના વ્યાપક ઉદ્દેશ્ય સાથે સુસંગત છે. દરેક વ્યવહાર સાથે, વપરાશકર્તાઓ સુરક્ષિત પ્રક્રિયા, કેશબેક રિવોર્ડ્સ અને કૌટુંબિક ખર્ચની એકીકૃત પારદર્શિતાનો આનંદ માણે છે.
